اسئلة دورات امتحان مادة ادارة المصارف bs742

[abo odae]

مرحبا شباب وصبايا

يا ريت الي عندو اسئلة دورات لمادة ادارة المصارفba742 يساعدني فيها

او الي قدم المادة وبيعرف كيف بتجي الاسئلة

مشكورين سلفا

[Ranush]

المشاركة الأصلية كتبت بواسطة abo odae مرحبا شباب وصبايا يا ريت الي عندو اسئلة دورات لمادة ادارة المصارفbs742 يساعدني فيها او الي قدم المادة وبيعرف كيف بتجي الاسئلة مشكورين سلفا

أي والله ياريت
بس يا abo odae رمز المادة BA742 ليس BS
يلي كان أخدها يعطينا فكرة عن أسئلة الدكتور أسامة سعيد

[abo odae]

المشاركة الأصلية كتبت بواسطة Ranush أي والله ياريت بس يا abo odae رمز المادة BA742 ليس BS يلي كان أخدها يعطينا فكرة عن أسئلة الدكتور أسامة سعيد

اي Ranush معك حق خطأ مطبعي
شكرا الك

[nadia]

و انا رح سجل انتظاري معكم ....

[ani]

أي والله ياريت حدا يساعدنا بنموذج الاسئلة

[One]

الأغلب الأسئلة بتركز على الفروقات وعلى التعدادات وممكن يكون في مسائل (الفصل الخامس)

الفروقات:
الفروقات بين المصارف الإسلاميّة والتجاريّة؟
مصارف تقليدية وافتراضية
الفروقات بين الحسابات الدائنة والمدينة؟
الحوالات الواردة والصادرة
أنواع الكفالات
بطاقات اعتماد وائتمان
الودائع حسب الأجل
الفروقات بين أقسام المصرف: فنية أو إداريّة
الفروقات بين الأقسام الفنيّة للمصرف: ودائع وخزانة
الخ ..

تعدادات:
مثل ليست من مهام قسم الحوالات ...
فوائد الـ ATM للمصرف !!
وظائف المصارف التجارية
من أهداف إدارة الائتمان والتسليف
أنواع المصرف من حيث النشاط
مهام المصرف المركزي
الخ ..


فهميّة:
معلومات عن مصرف تجاري "صغير وفرع" ، أي هيكل تنظمي أفضل؟

مسائل:
معلومات عن مصرف (أصول وإيرادات وحقوق ملكيّة.. الخ) والمطلوب حساب النسب الماليّة، وممكن تكون في مقارنة بين مصرفين أيهما أفضل أداء !!!

على كلٍ,,

ركزّوا كتير على الفصل الثاني (العمليات المصرفية) والرابع (خصوصاً اتفاقيّات بال) والخامس (خصوصاً النسب الماليّة)

المادة سلسة ومن روح اختصاصنا وشوية دراسة مع تركيز بتجيبوا أجلها مع معدّل

بالتوفيق للجميع

[abo odae]

شكرا الك [عذراً .. الروابط متاحة للأعضاء فقط. ]

يعني وضحتلنا كيف ممكن تكون الاسئلة
مشكوووووور مرة ثانية وادعيلنا مشان نرفع المادة

[Ranush]

وردنا الآن من الدكتور أسامة سعيد بخصوص امتحان مادة إدارة المصارف BA

الطلاب الاعزاء امتحانت موفقة للجميع يوجد اسئلة مقالية و اخرى مؤتمتة و المطلوب المقرر +المحاضرتين الاضافيتين المرسلة لكم سابقا و السليدات بالتوفيق و اي سؤال يمكنكم ارساله

شو بيقصد بالأسئلة المقالية وماهي طريقة كتابتها ؟؟؟؟

[One]

@abo odae:
أهلاً وسهلاً

@ Ranush:
الأسئلة المؤتمتة: سؤال والإجابة بتكون اختيار من متعدد، والعلامة فوريّة بعد الانتهاء من الامتحان.
الأسئلة المقاليّة: سؤال والإجابة بتكون على شكل نص، والتصحيح لاحقاً من قبل المدرس
نص ممكن تكتبي على ملف وورد وترفعي لاحقاً تماماً كالوظيفة أو يكون مدمج بالنظام تكتبي نص الجواب وبعدين تضغطي على زر التأكيد تماماً كالأسئلة المؤتمتة

[Ranush]

المشاركة الأصلية كتبت بواسطة One @abo odae: أهلاً وسهلاً @ Ranush: الأسئلة المؤتمتة: سؤال والإجابة بتكون اختيار من متعدد، والعلامة فوريّة بعد الانتهاء من الامتحان. الأسئلة المقاليّة: سؤال والإجابة بتكون على شكل نص، والتصحيح لاحقاً من قبل المدرس نص ممكن تكتبي على ملف وورد وترفعي لاحقاً تماماً كالوظيفة أو يكون مدمج بالنظام تكتبي نص الجواب وبعدين تضغطي على زر التأكيد تماماً كالأسئلة المؤتمتة

شكراً كتير إلك One
يعني الأسئلة المقالية مثل الامتحانات العادية بس يعني بدل القلم والورقة بدنا نكتبها على الورد أو من ضمن النظام (والحكي يعني الجواب كله من عندنا)